Pizza dough bananay ke ajza:
- Maidah (Refined wheat flour) 3 cup
- Khameer (Yeast) 1 tbs
- Cheeni (Sugar) 1 tsp
- Namak (Salt) 1 tsp
- Doodh (Milk) hasbe zaroorat
Chicken bananay ke ajza:
- Boneless chicken 650 gram
- Soya sauce 2 tbs
- Chili sauce 1 tbs
- Tail (Oil) 2 tbs
- Kuti laal mirch (Red chili crushed) 1 tbs
- Kali mirch pisi hui (Black pepper powder) 1 tsp
- Namak (Salt) ½ tsp
Pizza toppings ke ajza:
- Shimla mirch (Capsicum) hasbe zaroorat
- Kala zaitoon (Black olives) hasbe zaroorat
- Mozzarella cheese hasbe zaroorat
- Tayyar chicken
- Oregano hasbe zaroorat
Sub se pehle pizza dough bananay ke liye aik bowl mein maidah, khameer, sugar, namak aur doodh daal ker goondh lein aur size dugna ho jane tak side par rakh dein.
- Ab chicken bananay ke liye aik pan mein tail aur chicken daal kar us waqt tak pakayein jab tak rang tabdeel na ho jaye.
- Phir is mein soya sauce, chili sauce, kuti laal mirch aur namak daal kar 4 se 5 minute ya poori tarhan pak jane tak pakayein.
- Ab tayyar dough ko flat dairay mein role karein aur is ke chotey gol dairay kaat lein.
- Phir is ko pehlay se garam pan par rakhein aur 2 minute tak dono taraf se toast kar kay choolha band kar dein.
- Ab un par pizza sauce brush kar kay tayyar chicken, Shimla mirch, kala zaitoon, cheese aur oregano daal dein.
- Phir inhen dhaanp kar 2 se 3 minute ya cheese melt honay tak pakayein, mini pizza tayyar hai.